Iria Sobrado: "Aínda falta espazo para as mulleres cómicas nas táboas"

Cando abrimos unha nova tempada é habitual que cheguen tamén novos colaboradores ou colaboradoras. Hoxe iniciamos o espazo para crítica de teatro e das artes escénicas cunha muller que sabe moi ben que se sente ao subir ao escenario, e tamén que se sente diante das cámaras. É actriz, de teatro, de televisión, cara en series desta casa como 'Pazo de Familia' ou 'A Lei de Santos'. Di que o teatro a fai feliz e a reafirma. Iria Sobrado fálanos hoxe da peza 'As R(h)umorosas'.