Diego Roca: "O teatro de rúa non é cómodo, pero é marabilloso o caos e a anarquía que se xera"

"Se as abellas desaparecesen da Terra, á humanidade quedaríanlle catro anos de existencia", isto dixo Albert Einstein hai xa décadas, e foi o activador de 'Hexagonum', un ambicioso espectáculo escénico da compañía Troula, do que nos falarán hoxe dous dos seus creadores: Diego Roca e Marta Pérez. Propoñen ollar a evolución do mundo moderno a través do punto de vista dunha abella e a súa colmea.