A bombona de butano descende ata os 15,18 euros, o seu prezo máis baixo no último ano

O prezo máximo de venda ao público da bombona de butano baixará a partir deste martes, un 4,89 %, respecto á revisión de maio, e situarase nos 15,18 euros, o seu importe máis baixo nos últimos doce meses.

Segundo indicou o Ministerio para a Transición Ecolóxica, a nova redución responde, principalmente, á forte caída da cotización das materias primas, que foi dun 25 %, e, en menor medida, á apreciación do euro fronte ao dólar, que foi dun 0,2 %, malia que os custos de transporte se encareceron un 16,6 %.