A galega Susana Rodríguez, distinguida mellor deportista paralímpica europea

A triatleta galega Susana Rodríguez, seis veces campioa do mundo, foi elixida mellor deportista paralímpica europea de 2024, segundo informou este mércores o Comité Paralímpico Europeo.

Susana Rodríguez, cunha agudeza visual dun 5 % nun ollo e dun 7 % no outro como consecuencia do albinismo, conta cun palmarés que se resume en seis títulos de campioa do mundo, cinco de Europa e dúas medallas de ouro nos Xogos de Tokyo e París.

A deportista galega, de 36 anos, é tamén médico especialista en Medicina Física e Rehabilitación nun hospital de Vigo.