A Inspección de Traballo imponlle a Glovo novas sancións por 57 millóns de euros por emprego de falsos autónomos

A Inspección de Traballo impuxo novas sancións á empresa de repartición Glovo por un total de 57 millóns de euros por emprego de falsos autónomos e por traballo irregular de persoas estranxeiras.

Segundo confirmaron fontes do Ministerio de Traballo, trátase de actuacións levadas a cabo pola Inspección de Traballo e Seguridade Social en Glovo Madrid. As propostas de sanción, adiantada pola Cadea Ser, responden a dúas irregularidades.

Por unha banda, 7.022 faltas de alta de traballadores na Seguridade Social por unha contía de 32,9 millóns aos que se suman a acta de liquidación, que responde á falta de cotización deses traballadores no Réxime Xeral da Seguridade Social e que ascende a 19 millóns.

Ademais, sancionouse con 5,2 millóns por traballo irregular de persoas estranxeiras sen o correspondente permiso de traballo, unha medida que afecta a 813 persoas. En total, Glovo España acumula 205,3 millóns en multas (actas de infracción e actas de liquidación) que afectan 37.348 traballadores.