A ministra de Facenda di que o plan fiscal do Goberno é necesario para cumprir con Bruxelas

A ministra de Facenda defende que o Goberno se desviva para chegar a acordos que permitan sacar adiante o seu plan fiscal, imprescindible, di, para cumprir con Bruxelas e para afrontar catástrofes coma a da dina. O PP acúsaa de "fritir os españois a impostos".

"O Goberno pasará á historia por espremer a impostos os españois. Subiron 81 veces os impostos no sexenio negro do sanchismo e programaban 41 subas máis en plena traxedia. Parabéns polo seu inferno fiscal. A súa propaganda de rebaixas fiscais é falsa, é unha loia", di Alicia García, senadora do PP.

María Jesús Montero, ministra de Facenda, responde: "Sabe canto perdeu a Generalitat de Valencia por baixar os impostos de doazóns e de sucesións o ano pasado?, 500 millóns de euros. E aproban para axudas 250 millóns. Pois para iso serven os impostos, para estas cousas".