A última etapa do Gran Camiño unirá Betanzos e Santiago de Compostela

A última etapa do Gran Camiño unirá Betanzos e Santiago de Compostela, a etapa das capitais. Betanzos acolleu esta mañá a posta en escena desta tirada que transcorre polo Camiño Inglés.

Coa presenza de corredores de futuro dos Caimanes de Betanzos e do Club Ciclista Betanzos, as formacións da localidade coruñesa que no seu día foi a capital do Reino de Galicia.

Non será a etapa raíña, pero será unha etapa sorprendente. A organización desvelará máis detalles nos próximos días.

A etapa será espectacular, particularmente na súa parte final. Será a quinta etapa tras comezar en Portugal e pasar polas outras tres provincias galegas.