Os encontros adiados a pasada fin de semana xogaranse o xoves 17 de abril
O martes 4 de marzo disputaranse os partidos suspendidos correspondentes á 18ª xornada da Liga Nacional Xuvenil Grupo 1
Xa hai datas para todos os encontros aprazados a pasada fin de semana en Galicia debido á alerta decretada pola Xunta de Galicia por un fenómeno meteorolóxico adverso.
A xuíza de competición da Real Federación Española de Fútbol (RFEF) acaba de fixar o xoves 17 de abril (festivo) como data de celebración dos partidos suspendidos correspondentes á 19ª xornada da Terceira Federación Grupo 1.
Así mesmo, o martes 4 de marzo disputaranse os partidos suspendidos correspondentes á 18ª xornada da Liga Nacional Xuvenil Grupo 1 dos equipos que non presentaron acordo de celebración.
🔴 𝐎𝐅𝐈𝐂𝐈𝐀𝐋 | Resolución do Comité de Competición
— RFGF (@futgal) January 29, 2025
➡️ Xa hai datas para a celebración dos partidos suspendidos a pasada fin de semana na Terceira Federación, Liga Nacional xuvenil e nas competicións de ámbito autonómico
🔗 https://t.co/LCpY7vKawA pic.twitter.com/OMxOGXMg1E
O Comité de Competición da RFGF tamén acaba de fixar as datas para a celebración dos encontros aprazados a pasada fin de semana do 25 e 26 de xaneiro nas competicións de ámbito autonómico.
