Buscan un home de 78 anos desaparecido este mércores no barrio ferrolán de Caranza
Trátase de Ricardo López Fernández, de 78 anos
Efectivos de emerxencias, veciños e familiares buscan un home desaparecido desde este mércores do seu domicilio do barrio ferrolán de Caranza.
Trátase de Ricardo López Fernández, de 78 anos.
Segundo consta na denuncia presentada, é un home de complexión delgada, 1,70 metros de altura e pelo moreno.
A última vez que foi visto vestía pantalón gris, camisa a cadros, xersei azul e zapatos marróns.
Tanto a policía coma a plataforma SOS Desparecidos fixeron un chamamento á cidadanía para que achegue calquera información sobre o paradoiro deste home.
O desaparecido falta do seu domicilio desde este mediodía e realízanse batidas pola contorna da súa residencia coa participación, entre outros, de unidades caninas de rastrexo.
