Camps declara na Audiencia polos contratos coa trama Gürtel

Francisco Camps declara hoxe na Audiencia Nacional pola súa presunta relación coa rede corrupta Gürtel. A Fiscalía Anticorrupción pide para o expresidente da Generalitat valenciana dous anos e seis meses de prisión e dez de inhabilitación por prevaricación e fraude á administración.

Acúsao de facilitar os contratos da Generalitat con empresas da trama Gürtel, en concreto co empresario Álvaro Pérez, alias o Bigotes.

Os propios líderes da Gürtel declararon que el os facilitaba. Esta é a última das frontes xudiciais que encara Camps, tras catorce anos sometido a investigacións xudiciais.