CCOO suspende a folga indefinida no transporte por autobús fixada para o 23 de decembro

O sindicato CCOO suspendeu a folga indefinida convocada para o 23 de decembro e sucesivos no sector do transporte de viaxeiros por estrada, que afectaba a todas as empresas do sector do autobús urbano, interurbano, regulares, discrecionais ou turísticos.

Este sindicato era o único que seguía adiante coa folga dos condutores de autobuses urbanos, interurbanos e do transporte discrecional, que xa fora convocada para os días 5 e 9 de decembro.

CCOO mantivo a súa posición favorable á folga para reclamar a xubilación anticipada para os condutores de autobuses polos riscos que implica esta profesión, mentres que UXT asinou, do mesmo xeito que o Sindicato Libre de Transporte (SLT), senllos acordos coas patronais Confebus e Atuc e deixou sen efecto a súa convocatoria.

O sindicato CXT retirou posteriormente a convocatoria de folga tras outorgar unha marxe de tempo para verificar a validez e o cumprimento do acordo coas patronais do sector de mercadorías e viaxeiros.