Centos de viaxeiros quedan sen bus en Vigo pola folga do transporte urbano

Este luns en Vigo tocaba botar man da paciencia para coller un autobús. Case a metade da frota, 49 vehículos, están funcionando en servizos mínimos, a maioría no centro urbano. 

Os cidadáns terán que seguir sufrindo os contratempos da folga polo menos ata o 26 de maio. 

Despois de meses de mobilizacións, este luns os traballadores percorreron en manifestación distintas rúas ata chegar á Casa do Concello. Alí pedíronlle ao alcalde que medie no conflito para que a concesionaria negocie un novo convenio. 

Os traballadores cifran o seguimento da folga nun cen por cento.