Marrocos e España celebran o primeiro cumio tras o cambio de postura sobre o Sáhara

Pedro Sánchez viaxa mañá a Marrocos para un cumio de alto nivel en Rabat. O presidente do Goberno irá acompañado dunha ducia de ministros socialistas, pero ningún de Podemos.

Este é o primeiro cumio con España despois do cambio de postura do Goberno español sobre o Sáhara o pasado mes de abril. Unha decisión criticada pola formación morada. Durante os dous días do cumio tratarán de pechar acordos en distintas áreas.