A Xunta declara proxecto industrial estratéxico a planta de biometano que Nortegas fará en Curtis

O Consello da Xunta aprobou este luns a declaración como proxecto industrial estratéxico (PIE) a planta de produción de biometano que o Grupo Nortegas vai construír en Curtis.

Esta factoría permitirá transformar residuos orgánicos de explotacións gandeiras e avícolas en gas natural renovable.

O investimento inicial na súa construción e posta en marcha é de máis 15 millóns de euros e prevese a creación dunha trintena de postos de traballo. A previsión é que a fábrica comece a funcionar en 2026.