Detido por meterlle na boca un coitelo de 20 centímetros ao seu fillo, de tan só tres meses

En Cádiz detiveron un pai acusado de maltratar o seu fillo, un bebé de tan só tres meses. Segundo a investigación da Policía Nacional e Garda Civil, os abusos están gravados nun vídeo de teléfono móbil.

Nesas imaxes, sae o home bañando o pequeno de tres meses ao aire libre e con auga fría, e tamén se ve como lle introduce un coitelo duns vinte centímetros ao pequeno na boca.

A familia vivía en Cáceres, os veciños alertaron a policía. Localizaron o home e súa parella en Cádiz. El foi detido acusado dun presunto delito de malos tratos no ámbito familiar. O bebé, de tres meses, estaba na casa da súa avoa.