Dúas mozas gravan un suposto intento de rapto en Leganés

Dúas mozas menores de idade foron vítimas dun intento de secuestro en Leganés que gravaron en móbil. Un home abórdaas cando estaban na parada do bus e ofrécelles drogas e cartos para que vaian con el. Elas néganse e, cando soben ao bus, el agarra e retén unha delas. As mozas logran zafarse del e marchan correndo para pedir axuda. Acaban refuxiándose nun bar.

O home, de 32 anos e con numerosos antecedentes, xa foi detido.