Ultiman os preparativos para a celebración dos magostos en Ourense

Ás portas do San Martiño, en Ourense, ultiman os preparativos para a celebración dos magostos. Hoxe en moitas casas tocan as últimas compras para o xantar de mañá. E na cesta da compra non faltan desta vez nin a carne nin os chourizos nin, por suposto, as castañas. Ingredientes imprescindibles para a celebración do magosto.

O día grande da festa é mañá, o propio día de san Martiño, festivo en Ourense, pero o certo é que a celebración dos magostos vaise espallar durante a fin de semana por toda a provincia.