Eroski lanza unha cesta da compra con produtos básicos rebaixados

Eroski convértese no primeiro supermercado en lanzar unha cesta da compra con produtos rebaixados. Inda que coincide no tempo co acordo alcanzado entre o Goberno de Francia e as grandes empresas de distribución, o grupo vasco explicou que xa leva desde o ano pasado con esta estratexia comercial para axudar os consumidores a intentaren facer fronte á inflación.

Eroski vai activar xa este mes de marzo as rebaixas en produtos básicos e frescos. Agora, o Goberno deixa en man das empresas de distribución emular o modelo francés, que de momento descartan.