Galegos que seguen axudando aos afectados pola dina: "Emocionalmente é tamén duro para nós"
Levan semanas vivindo nunha nave industrial na que almacenan alimentos e material co que axudan ás familias máis afectadas pola dina
Aseguran que teñen a intención de quedar a axudar en Valencia a longo prazo
Dous galegos comparten tarefas solidarias cun rapaz de Asturias
Son moitos os voluntarios de toda España que continúan axudando aos afectados pola DINA en Valencia. Entre eles, hai galegos. Falamos con dous deles. Levan semanas axudando a recoller alimentos, mobles e electrodomésticos, para repartilos entre familias que perderon parte das súas pertenzas.
Dous galegos e un asturiano levan semanas axudando a recoller e repartir alimentos en localidades de Valencia afectadas pola dina. Axudan, fisicamente, con material, pero, tamén ofrecen un apoio emocional moi importante.
Pasan o Nadal en Valencia e, contan, teñen a intención de quedar axudando, aquí, a longo prazo. De momento, prestáronlles unha nave industrial na que almacenan os produtos que reparten e, ademais, habilitaron unha zona para vivir.
Coa cabeza no ceo e os pés no barro. É unha tatuaxe que acaban de facer, conxuntamente, estes galegos solidarios que, aseguran, están recibindo, nas zonas máis afectadas pola dina, en Valencia, máis do que ofrecen.
