Falece un operario no Porriño tras ser atropelado polo seu propio camión
Un compañeiro avisou os servizos de emerxencia, indicando que o condutor do camión fora atropelado polo seu vehículo e estaba atrapado entre este e o cargadoiro
Un operario de tansporte de 41 anos faleceu na tarde deste mércores na localidade pontevedresa do Porriño tras ser atropelado polo seu propio camión.
Segundo informa o 112 Galicia, os feitos ocorreron sobre as 15:30 horas no lugar da Pereira e foi un compañeiro do home o que avisou aos servizos de emerxencia, indicando que o condutor dun camión fora atropelado polo seu vehículo e estaba atrapado entre este e o cargadoiro.
Así, deuse aviso a Urxencias Sanitarias de Galicia-061, aos Bombeiros do Porriño, a Protección Civil e aos axentes da Garda Civil e da Policía Local.
Para liberar a vítima, o propio alertador moveu o camión, que perdera o freo e deixara atrapado ao condutor contra o cargadoiro. A pesar de todo, os profesionais sanitarios non puideron salvar a vida do operario.
O operario estaba a facer algún tipo de labor entre a parte traseira do vehículo e a plataforma de carga cando o camión se deslizou sobre o seu corpo. Polo momento, barállase a hipótese de que non estaba botado o freo de man ou que houbo un fallo na mecánica.
.png)
