Ferida ao caerlle un anaco de balcón mentres vía unha procesión en Santiago
A Policía Local revisou a estrutura e descartou que se poidan producir máis desprendementos
Unha muller precisou asistencia sanitaria nun centro médico tras caerlle na cabeza un anaco de madeira do balcón dunha casa na zona vella de Santiago.
Sucedeu este venres pola noite na rúa das Casas Reais, mentres a ferida vía unha procesión da Semana Santa.
A Policía Local comprobou a solaina da vivenda e descartou que houbese risco de se produciren máis desprendementos.
