Iglesias defende que Unidas Podemos pactara con PSOE e PP a renovación do Constitucional

O exlíder de Podemos Pablo Iglesias defende que o seu partido pactara con PSOE e PP para renovar o Tribunal Constitucional.

Pronunciouse nun artigo no xornal catalán ARA. Di que comparte a náusea moral que pode suscitar calquera candidato proposto polo PP, pero que a prioridade era renovar o Constitucional para reverter o proceso de involución que, asegura, impulsan os poderes reaccionarios.

Ademais engande que Yolanda Díaz tamén debería pactar a renovación do Consello Xeral do Poder Xudicial, con socialistas e populares.