Louzán coloca ao seu carón a Javier Tebas na nova xunta directiva da RFEF

Rafael Louzán presidiu a súa nova xunta directiva na Federación Española de Fútbol. O equipo de traballo que dirixirá o fútbol español durante os próximos catro anos. A directiva nomeada por Louzán integra todos os estamentos do fútbol español: dirixentes territoriais, Javier Tebas como presidente da Liga; Beatriz Álvarez como presidenta da Liga F e David Aganzo como presidente de AFE. Tamén hai profesionais de recoñecida traxectoria no mundo do deporte como María José Rienda, quen fora presidenta do Consello Superior de Deportes entre 2018 e 2020.