Mantense a alta demanda para construír piscinas
Comezou coa pandemia, pero non diminuíron os encargos coa fin das restricións
Moitas empresas de construción teñen a axenda completa ata o próximo ano
Os construtores de piscinas traballan arreo, con moitos encargos en carteira e sen descanso dende o inicio da pandemia.
"Pensamos que co levantamento dos confinamentos a cousa se relaxaría, pero continúa a tendencia de querer ter unha piscina na casa para desfrutar en familia. De feito, hai xente que ten unha parcela que non é edificable, pero onde si lle perimiten facer a piscina e mesmo poñen unha carvana", di José Pereira, responsable de Piscinas Vigo.
No caso desta empresa de Vigo, por exemplo, constrúen para toda Galicia, e neste momento teñen a axenda completa ata marzo.
"Practicamente en setembro do ano pasado xa tiñamos 2022 todo cuberto. O que máis nos doe e dicirlle a un cliente que non se pode facer a piscina para cando quere.", recoñece Pereira.
Curiosamente a demanda é máis forte nas vilas costeiras. Vigo lidera a clasificación galega con máis de 2.500.
Dende 8.000 euros é posible facer unha piscina. A partir de aí non hai límite dependendo dos extras e melloras que se escollan.
