Manuel Losada postúlase para competir nas primarias do PSdeG
Con el son tres os aspirantes que se postulan, despois de que nos últimos días deran a coñecer a súa decisión tanto José Ramón Gómez Besteiro como Gonzálo Caballero
Teñen de prazo ata o próximo día 18 para reunir os avais necesarios para que as súas candidaturas sexan proclamadas
O militante coruñés Manuel Losada presentou este mércores a súa precandidatura para competir nas primarias que o PSdeG celebrará para elixir o seu candidato á Xunta de Galicia.
Así o confirmaron a Europa Press fontes socialistas, que ratificaron que Losada presentou a súa precandidatura dentro do período establecido polo partido para iso.
Deste xeito, son tres os aspirantes que se postularon, despois de que nos últimos días desen a coñecer a súa decisión tanto o deputado por Lugo no Congreso e exdelegado do Goberno, José Ramón Gómez Besteiro, como o exsecretario xeral do PSdeG e parlamentario autonómico, Gonzálo Caballero.
O actual secretario xeral do PSdeG, Valentín González Formoso, dixo que cantos máis candidatos haxa "máis festa é" e insistiu en que será "un proceso limpo".
Os tres candidatos teñen de prazo ata o próximo día 18 para reunir os avais necesarios para que as súas candidaturas sexan proclamadas.
.png)
