María Jesús Montero vese con forzas para compatibilizar o Goberno co liderado do PSOE andaluz

Unha decisión persoal para a que contou con todas as facilidades por parte de Pedro Sánchez. María Jesús Montero preséntase como ganadora para unha nova etapa do Partido Socialista en Andalucía na que terá que compatibilizar o seu labor no Goberno, no partido e na comunidade. "Temos que configurar un grupo de homes e mulleres ue teñan talento, ilusión e que estean aliñados cos obxectivos que unha pretende", asegura.

Un reto complexo para unha ministra de Facenda que terá que tomar decisións no modelo de financiamento autonómico e que defende o acordo singular para Cataluña. "Cando a miña sinatura se recolle nun papel, sempre teño resulta a ecuación respecto a como queda Andalucía. Nunca permitiría que unha iniciativa que saia do meu departamento supuxera un agravio para a miña terra", explica Montero.

Un asunto que levanta as críticas do que é xa, de xeito oficial, novo secretario do PSOE en Castela e León ao non presentarse outros candidatos. "Singularidade si, pero singularidade para todos entendendo isto como un proceso colectivo. Nese sentido é onde me expresei sempre e onde me vou seguir expresando", sostén Carlos Martínez.

A aposta de Ferraz para reforzar os territorios con vistas ás próximas citas electorais inclúe un total de cinco ministros que optarán a dirixir o partido nas súas respectivas comunidades.

"Se un quere ter referentes que trasladen liderado e experiencia non pode atopalos na cola do paro. Hai que buscalos nos lugares onde se está facendo política", xustifica o ministro de Transportes, Óscar Puente.

O Partido Popular ve nestes procesos unha decisión persoal de Pedro Sánchez. "Hai partidos nos que o futuro dos seus líderes territoriais depende da afinidade persoal que teña co presidente do seu partido", di Alberto Núñez Feijóo, o presidente do Partido Popular.

E acusan os socialistas de trasladar ás comunidades a política de enfrontamento e división.