Aumentan as axudas de Política Social para as casas niño

Os profesionais que levan as casas niño percibirán un 10 % máis ao ano. Así o fixo público a conselleira de Política Social durante a visita que esta mañá realizou a un destes centros, o de Argalleiros, no concello lucense de Navia de Suarna. Isto significará de media un incremento anual de algo máis de dous mil euros para as persoas adxudicatarias do servizo.

Fabiola García expresou a súa satisfacción polos bos resultados que está a conseguir esta iniciativa que persegue fixar poboación no rural, ofrecendo un servizo aos pais con fillos menores de tres anos e xerando postos de traballo para as persoas que quedan a cargo dos pequenos.

Os pais dos pequenos poden conciliar a vida laboral e persoal sen ter que saír do seu concellos", di a conselleira de Política social.

O alcalde de Navia de Suarna agradece iniciativas coma esta porque son de grande axuda aos matrimonios novos que viven no rural. 

As casas niño están deseñadas para a Galicia rural. En concellos con menos de 5.000 habitantes, onde presta un servizo 100 % gratuíto ás familias con fillos de 0 a 3 anos.  

Un programa que a Xunta puxo en marcha no 2016 e que xa está a ser copiado noutras comunidades.