Novas probas no caso Madeleine McCann

Os investigadores do caso Madeleine McCann atoparon novas probas na furgoneta do alemán Christian Bruckner, principal sospeitoso da desaparición da nena.

Segundo publica a prensa británica, trataríase de fibras do pixama que levaba posto a cativa, de tres anos, o día que desapareceu do apartamento do Algarve portugués.

Cando está a piques de prescribir o caso, é a primeira vez que se atopa algunha proba física que podería pertencer á nena.