O coche do atropelo mortal da Laracha ía polo menos a 120 nunha vía limitada a 90 km/h

Circulaba a velocidade moi excesiva. É o que afirma o informe da Garda Civil sobre o sinistro. Está a ser investigado como presunto autor de homicidio imprudente o condutor do coche que atropelou mortalmente unha veciña da Laracha a finais de marzo.

As pescudas sobre o accidente acontecido na encrucillada da Ganduma determinan que o vehículo circulaba a velocidade elevada, entre os 120 e 130 quilómetros por hora, nun tramo con límite de 90.