O Congreso valida a prórroga ata abril das rebaixas fiscais na factura da luz

O Congreso dos Deputados validou esta tarde o Real Decreto do Goberno que prorroga as rebaixas fiscais na factura da luz ata o mes de abril.

A norma tramitarase como proxecto de lei polo procedemento de urxencia. Prevé tamén unha prórroga do bono social para os consumidores máis vulnerables.

E inclúe medidas no ámbito enerxético para fomentar o autoconsumo eléctrico, a despregadura de enerxías renovables e o uso do coche eléctrico.

O mesmo decreto prorroga tamén a redución do IVE das máscaras cirúrxicas, que continuará sendo do 4 %.