O Constitucional admite a trámite os 14 recursos das CCAA contra a lei de amnistía
O TC acepta os presentados polos once gobernos autonómicos do PP, entre eles Galicia, e o formulado pola Junta de Castela-A Mancha, presidida polo socialista García-Page
Ademais, o Constitucional admite os recursos dos parlamentos de Murcia e Cantabria e dúas das tres cuestións de inconstitucionalidade elevadas polo TSXC
O Pleno do Tribunal Constitucional admitíu a trámite este martes por unanimidade os 14 recursos presentados polas comunidades autónomas contra a lei de amnistía, así como dúas das tres cuestiones de inconstitucionalidade elevadas polo Tribunal Superior de Xustiza de Cataluña (TSXC).
O pasado día 3 o Pleno admitiu o recurso das Cortes de Aragón, que foi o primeiro presentado desde unha comunidade autónoma contra a norma. En consecuencia, a corte de garantías acordou dar luz verde ao resto das impugnacións autonómicas presentadas.
Trátase das presentadas polos once gobernos autonómicos do PP (Madrid, Andalucía, Comunidade Valenciana, Galicia, Aragón, Murcia, Castela e León, Baleares, Estremadura, Cantabria e A Rioxa), as que presentaron os parlamentos autonómicos de Murcia e Cantabria e o formulado polo Goberno de Castela-A Mancha, presidido por Emiliano García-Page, o único barón do PSOE que recorreu o texto ante o TC.
O Constitucional tamén admitiu a trámite dúas das tres cuestións de inconstitucionalidade elevadas polo TSXC. Na terceira, o tribunal pediu un informe ao fiscal porque expuxeron ao mesmo tempo cuestión prexudicial ante o Tribunal Superior de Xustiza da UE contra a lei de amnistía.
Á espera do que suceda con este último caso, son 19 os recursos que o tribunal tramitará contra a norma: 15 das comunidades autónomas, dúas do TSXC, un do PP e a cuestión de inconstitucionalidade elevada pola Sala do Penal do Supremo.
.png)
