O GPS volve atrapar un camión estranxeiro nunha zona sen saída, esta vez en Corrubedo
O tráiler de matrícula checa e conducido por un home ucraíno quedou atrapado na zona rochosa do Corgo
Este sábado pola mañá deu saído coa axuda dun tractor cun guindastre
Un camión, con matrícula checa, de grande tonelaxe quedou atrapado onte á noite na zona de Corrubedo.
O condutor de nacionalidade ucraína, ao parecer guiado polo GPS, seguiu conducindo por unha pista de terra, despois de que rematara a pista asfaltada ata que se atopou coa zona rochosa, case á beira do mar.
O condutor, segundo explicou axudado dun tradutor dixital, porque non falaba nin galego nin español e malamente inglés, dirixíase a cargar mercadoría a unha fábrica da zona de Corrubedo, pero guiado polo GPS rematou coa cabeza tractora encallada na zona rochosa con herba.
Foi o propio home quen pediu axuda co teléfono, malia que ata alí se desprazáronse axiña veciños da contorna aos que lles chamou a atención a situación do camión.
Para auxiliar o condutor achegouse a Policía Local e Nacional, pero dado temporal que había na zona onte á tardiña e que xa se facía de noite prepararon o dispositivo de rescate para este sábado pola mañá.
Un tractor con guindastre lograba rescatar o camión pasadas as dez da mañá.
