Constantes atrancos de camións nunha parroquia de Pontevedra polas indicacións do GPS

Os veciños do pequeno núcleo de Leborei na parroquia pontevedresa de Cerponzóns están fartos de ver como os camións quedan encaixados entre as casas seguindo as indicacións do GPS.

Non é o único  problema que teñen xa que  ninguén respecta os sinais de tráfico restrinxido aos veciños: moitos repartidores usan  pista  como atallo e tamén o fan os que acoden a unha sala de festas de maiores próxima para evitar os controis de alcoholemia. O descontrol é tal que tamén algúns fan derrapaxes na contorna.

Poucas cousas hai tan inútiles en Leborei como os sinais de tráfico restrinxido que ninguén respecta.