O Goberno tentará que Bruxelas dea marcha atrás no veto á pesca de fondo

A frota da Mariña no Gran Sol é das grandes afectadas polo veto á pesca de fondo nas áreas vulnerables que pretende a Comisión.

Luis Planas asegurou en Burela que o Goberno traballa para tentar que o comisario Sinkevicus dea marcha atrás. O sector insiste en que Bruxelas non escoitou.

O ministro tamén se comprometeu a axilizar o acceso aos fondos europeos ante o incremento de custos, anunciou novas axudas e prometeu intervir para racionalizar todo o relativo ás titulacións.

Antes de ir a Burela, Luis Planas visitou en Lugo o Laboratorio de Saúde Vexetal, de referencia nacional na súa materia, para o que anunciou un investimento de máis de 300.000 euros.