O Ourense C. F. estrélase contra o muro do Osasuna Promesas

O Ourense Club de Fútbol perdeu no seu regreso ao Couto e na estrea como local na Primeira Federación. Un solitario gol de Toni Herrero de penalti cometido por Raúl Marqueta sobre Dani Sancho chegoulle ao cadro do Osasuna Promesas para levar os tres puntos. 

Os de Rubén Domínguez estreláronse contra a defensa visitante, sobre todo no segundo tempo. O Ourense levou o peso do partido pero foi incapaz de transformar ningunha das ocasións que xerou.