O patrulleiro Centinela intercepta dous buques rusos

O patrulleiro Centinela, con base no Arsenal de Ferrol, interceptou dous barcos da mariña de guerra rusa: unha fragata e mais un buque cisterna que estaban navegando en augas do Mediterráneo Occidental.

O Estado Maior de Defensa informou de que o Centinela realiza o labor de seguimento e vixilancia das embarcacións, que foron interceptadas á altura das Baleares e escoltadas para evitar que entrasen en augas españolas.