Os autónomos galegos contan con dúas novas liñas de axudas para consolidar negocio ou reemprender

Os autónomos galegos contan dende hoxe con dous novos programas de axudas, dotados con nove millóns e medio de euros. Van destinados a facer os negocios máis competitivos, e a dar novas oportunidades para emprender. Así o explicou a Conselleira de Promoción do Emprego e Igualdade na VI Semana do Emprendemento da Escola Profesional Santo Cristo de Ourense.

"Os autónomos en Galicia son un 20 %, son moi importantes, e os políticos estamos para axudar, non poñer trabas. Dende Galicia axudamos ao traballo autónomo, para os que empezades acabamos de sacar unhas axudas, ata 8.000 euros", dixo Elena Rivo.