Os autónomos que traballan na casa poden deducir gastos de subministración do fogar

Novidades tributarias para os autónomos que traballan na casa: van poder deducir os gastos de subministración do fogar, como electricidade, auga ou Internet.

Van poder restar eses gastos do IVE e reclamar o que pagaron por eles durante os últimos catro anos.

A dedución será proporcional á parte de vivenda que utilicen para o seu negocio.

Facenda cambiou de criterio sobre estes gastos tras unha sentenza do Tribunal Superior de Xustiza de Andalucía, que sentou xurisprudencia.