Regresan os cadaleitos á procesión de Santa Marta de Ribarteme

A procesión de Santa Marta de Ribarteme, no concello das Neves, volve contar con cadaleitos despois de dous anos sen eles, primeiro pola Covid e logo pola negativa do cura, que agora accede a que vaian en procesión, pero sen pisar a igrexa nin o adro.

Esta tradición ancestral de portar féretros con persoas vivas dentro está declarada de interese turístico internacional. A xente ofrecida promételle á Virxe saír en procesión metida na caixa, se lles concede a súa petición de saúde.