Repatrian a España as vítimas do atentado de Afganistán

Os españois afectados polo atentado terrorista de Afganistán xa abandonaron o país, asegurou o ministro de Asuntos Exteriores, José Manuel Albares. 

Agárdase a repatriación inminente dos tres turistas cataláns asasinados o pasado venres no ataque, que foi reivindicado polo Estado Islámico.

A turista vasca que quedou ferida grave está previsto que chegue nas próximas horas a Bilbao. 

Todos tiñan seguro de viaxe, e son as empresas aseguradoras as que se encargan de cubrir os custos derivados dos traslados.