Sete persoas hospitalizadas por inhalación de fume nun incendio en Mieres, Asturias

Contras as tres da madrugada declarouse un incendio no primeiro andar dun inmoble de Mieres, Asturias. A causa da inhalación de fume, sete persoas  tiveron que ser ingresado, segundo informa o Servizo de Emerxencias do Principado.

Unha das persoas intoxicadas, unha muller con prognóstico reservado, foi trasladada ao Hospital Universitario Central de Asturias e as outras seis, en estado leve, ao Álvarez Buylla do municipio mierense.

Unha chamada ás 3:09 horas alertou do suceso, ocorrido na rúa Alfonso Camín, onde se vía arder o primeiro piso dun dos edificios. Ata o lugar trasladouse un equipo de doce efectivos de bombeiros, que rescataron dun cuarto piso a unha muller con mobilidade reducida,  e que foi atendida polos servizos sanitarios tras ser evacuada.

Os bombeiros centráronse á súa chegada en extinguir as chamas do primeiro piso, que xeraron fume afectando á escaleira do inmoble, cunha liña de auga. Mentres atacaban o lume, os efectivos pediron aos veciños do resto de pisos que agardasen, protexidos nas súas casas, na zona do inmoble que daba á rúa contraria de onde se iniciara o incendio.

Unha vez extinguido o lume ventilaron a escaleira para permitir a saída dos residentes sen perigo. Os bombeiros ademais de extinguir e ventilar o inmoble, desentullaron o piso incendiado, dando por finalizada a intervención á súa chegada a base, ás 6:15 horas. Ao longo da mañá deste sábado regresarán para revisar o edificio completo.