Só un 4 % das mercadorías transportadas polo interior de España viaxan en tren
Expertos piden que se active un corredor atlántico para potenciar o transporte ferroviario
A medida reduciría custos ás empresas e tamén baixaría as emisións de CO2
O transporte de mercadorías por tren reduciría custos e emisións de CO2.
Pero fan falta servizos e infraestruturas para promovelo.
Expertos, administracións e empresarios debateron este mércores en Santiago sobre isto, cunha petición unánime: a activación do corredor atlántico.
Só un catro por cento das mercadorías transportadas polo interior de España viaxan en tren. O resto vai polas estradas, e agora o reto é reequilibrar ese balance.
Dende o Clúster da Loxística abriron debate sobre os servizos e infraestruturas necesarios para promover o uso do tren.
O esencial para Galicia: o Corredor Atlántico ferroviario, unha oportunidade de conexión con Europa, pero tamén para aproveitar a posición estratéxica dos portos galegos.
A ambición é poder conectar aquí o transporte marítimo, ferroviario e por estrada.
E para esa intermodalidade demandan "autoestradas ferroviarias", liñas que permitan montar, por exemplo, os remolques de camión no tren.
De momento, o Adif non ten ningunha en estudo en Galicia.
