Polo menos 5 mortos e máis de 200 feridos no atropelo do mercado de Nadal de Magdeburgo, Alemaña

Soben a cinco o número de mortos no atropelo perpetrado nun mercadillo do Nadal en Magdeburgo, ao leste de Alemaña, informou a Primeira Cadea da Televisión Alemá (ARD) segundo informacións de círculos de seguridade

O número de feridos, segundo a mesma fonte, superaría xa os 200, 41 deles en estado moi grave.

As autoridades e os medios alemáns falan dun posible atentado, pero aínda non ha claridade sobre os motivos do crime pero polo que se coñece do responsable do mesmo, o médico saudita Taleb A, parece descartada unha motivación islamita e os medios alemáns apuntan mesmo a unha motivación islamófoba.

Tamén informan  as autoridades rexionais que este médico saudita, que levaba desde 2006, actuou aparentemente sen cómplices, e que está detido. O autor do atropelo ten 50 anos e un permiso de residencia permanente en Alemaña. Está a ser interrogado pola Policía.

Entre as vítimas mortais hai un menor, informou en declaracións aos medios no lugar da traxedia o primeiro ministro de Sajonia Anhalt, Reiner Haseloff.

O atropelo produciuse na noitiña do venres, cando mercado de Nadal estaba totalmente ateigado de xente, Ata o lugar desprazáronse uns 100 bombeiros, ademais de sete unidades do corpo de bombeiros profesionais e voluntarios e 50 socorristas, para atender aos feridos en tendas de campaña e posteriormente transpórtalos a diferentes hospitais da zona.

Un atentado sen cómplices

A ministra do Interior de Sajonia Anhalt, asegurou que o saudita actuou só e  que vivía en Bernburg, a uns 50 quilómetros de Magdeburgo.

Segundo o diario 'BILD', forzas fortemente armadas entraron pola forza nunha vivenda nunha rúa da cidade, pero de momento descoñécese se a operación estaba relacionada co atentado.

Pouco despois das 18:00 GMT o home levou por diante a multitude e percorreu un tramo de polo menos 400 metros no mercado de Nadal nun vehículo de alugueiro con matrícula de Múnic.

O experto en terrorismo Hans-Jakob Schindler sinalou á segunda cadea de televisión pública ZDF que o feito de que un ataque cun coche tivese éxito apunta a un fallo no concepto de seguridade.

Ademais, sostivo que o perfil do autor é inusual, tanto pola idade como pola nacionalidade, pois os atacantes ata o de agora roldaron os vinte anos e desde 2001 non houbo un atentado terrorista de autor saudita.

Preguntas sobre a falta de seguridade

Descoñécese como o home puido entrar no mercado de Nadal, en pleno centro e á beira do Concello, dado que as cidades alemás han reforzado a seguridade destes lugares con bolardos tras o atentado perpetrado en Berlín o 19 de decembro de 2016, no que morreron 13 persoas atropelados por un camión.

Que se produciu este atentado oito anos despois do ataque no mercado de Nadal de Berlín parece ser intencionado, dixo Haseloff nunha rolda de prensa posterior.

A alcaldesa de Magdeburgo, Simone Borris, non puido conter as bágoas e agradeceu ás forzas e corpos de seguridade e os socorristas o seu traballo.

Anunciou un servizo en memoria das vítimas este sábado pola tarde na catedral da cidade e expresou a súa esperanza de que os cidadáns logren volver convivir de boa maneira tras o que será unha "longa fase de loito".

O chanceler de Alemaña viaxará a Magdeburgo

Haseloff indicou que o chanceler de Alemaña, Olaf Scholz, chamoulle por teléfono e anuncioulle que se trasladará este sábado a Magdeburgo para avaliar a situación e discutir as medidas necesarias, e agregou que posiblemente tamén a Fiscalía Xeral do Estado tomará acciones pertinentes "en vista da gravidade deste atentado".

Scholz indicou na súa conta da rede social X que os seus pensamentos están coas vítimas e as súas familias.

O presidente de Alemaña, Frank-Walter Steinmeier,  dixo nun comunicado que "a ilusión por unha festa do Nadal en paz viuse interrompida polas noticias de Magdeburgo", en tanto que a ministra do Interior, Nancy Faeser, que viaxará á cidade con Scholz o sábado, dixo estar "conmocionada" polo atentado.

"As forzas de seguridade esclarecerán o fondo", prometeu a socialdemócrata.