Investigan a morte dunha moza en Xixón que denunciou acoso escolar
Nunha nota difundida en redes asegura que fora vítima de acoso na súa etapa escolar nun centro concertado
A dirección do colexio púxose a disposición da familia para abrir unha investigación sobre o sucedido
O colexio concertado La Asunción de Xixón
Bombeiros e Salvamento Marítimo localizaron este sábado o corpo sen vida dunha moza de 21 anos ao pé do cerro de Santa Catalina, en Xixón. Faltaba da casa dende o venres e rastrexaban a zona tras recibir un aviso da Policía Local.
A moza, exalumna do colexio La Asunción, difundira unha nota en redes sociais na que aseguraba ter sufrido acoso escolar durante a súa etapa neste centro concertado. No texto, responsabiliza a promoción de 2002 da súa morte.
Segundo o escrito, os acosadores conseguiran que non puidera saír da cama en anos e facía un chamamento a parar o acoso escolar. O colexio púxose a disposición das autoridades e da familia para colaborar nunha investigación do acontecido.
O lugar no que apareceu o corpo
