Cargando resultados...
Volve haber folga de lixo en Carballo por terceira vez este verán
Aínda se perciben na rúa os efectos do paro anterior
En caso de non chegar a acordo para o día 22 pasará a ser indefinida a partir do 8 de setembro
Lixo acumulado nun colector de Carballo
G24.gal
12/08/2024 15:55
Última actualización 12/08/2024 16:11
Volve haber folga na recollida do lixo en Carballo, por terceira vez este verán e cando aínda se notan na rúa os efectos do último paro. Desta volta durará ata o día 22, se non se resolve antes o conflito laboral.
O lixo aos poucos comeza a amorearse nos colectores de Carballo nesta terceira xeira de protestas. Nos paros do mes de xullo o Concello expedientou a Urbaser por incumprimento dos servizos mínimos.
En caso de non chegar a acordo antes do día 22 a empresa concesionaria e os sindicatos, a folga pasará a ser indefinida a partir do 8 de setembro.
.png)
