A ex-xefa da ETA Anboto négase a declarar ante o xuíz polo asasinato de Miguel Ángel Blanco

A que fora xefa da ETA Soledad Iparaguirre negouse a declarar ante o xuíz da Audiencia Nacional que instrúe a causa polo asasinato de Miguel Ángel Blanco.

A etarra compareceu por videoconferencia, dende o cárcere de Áraba, onde cumpre condena por outros atentados.

Era a última declaración pendente nesta causa, así que agora o xuíz García-Castellón deberá decidir se xulgan os investigados ou se arquiva, finalmente, a causa.