Aprehendidos máis de 83.000 xoguetes irregulares en diversas festas patronais
As inspeccións realizáronse en postos ambulantes instalados en Sada, Arteixo, Culleredo e Carral
O valor total da mercancía aprehendida ascende a 123.639 euros
Entre o xénero requisado figuran 2.874 unidades dos modelos SQUISHY e DUMPLING, que presentan posibles riscos químicos e aparencia similar a alimentos
A Garda Civil levou a cabo un operativo preventivo que permitiu aprehender un total de 83.836 xoguetes que carecían da correspondente documentación de importación legal e presentaban graves deficiencias de seguridade.
Entre os xoguetes irregulares incautados figuran 2.874 unidades dos modelos Squishy e Dumpling, que presenten posibles riscos químicos e aparencia similar a alimentos, informa o instituto armado nunha nota.
Trátase de pequenos xoguetes brandos que se esmagan coa man e recuperan lentamente a súa forma. Un destes produtos ten aparencia de empanadilla asiática (dumpling).
O operativo foi desenvolvido pola Patrulla Fiscal e de Fronteiras da Coruña en Sada, Arteixo, Carral e Culleredo permitiu a incautación de 83.836 xoguetes que carecían de documentación de importación legal e presentaban deficiencias de seguridade.
As intervencións comezaron en postos de venda ambulante en festas patronais das citadas localidades nos meses de xullo, agosto e setembro.
O valor total estimado da mercancía intervida ascende a 123.639 euros.
As actuacións dos axentes concluíron con catro inspeccións comerciais e vinte e dúas actas de denuncia conforme á lei orgánica de represión do contrabando e a normativa de seguridade dos xoguetes.
