A unidade de drons do 112 busca un home desaparecido en Vilar de Barrio

A unidade de drons da Axencia Galega de Emerxencias (AXEGA) colabora, coordinada pola Garda Civil, na procura dun home desaparecido en Vilar de Barrio, no lugar de Porto. A familia alertou da desaparición ao 112.

Activouse inmediatamente un dispositivo de busca, no que participan os grupos de Protección Civil deste concello e dos concellos veciños. Tamén intervén o persoal do Grupo de Emerxencias Supramunicipal de Laza e de Maceda.