As festas do Carme enchen a oferta hoteleira de Marín
Á festividade local súmase o acto da entrega de Reais Despachos aos novos oficiais na Escola Militar de Marín
Este ano contará por primeira vez coa presenza da princesa Leonor.
A da festividade do Carme é, sen dúbida, a semana de maior demanda turística do ano en Marín.
Os actos das festas son un grande atractivo que se suma á chegada habitual dos turistas na época estival. A demanda aínda se incrementa máis polos actos que se celebran na Escola Naval Militar o dezaseis de xullo, coa xura de bandeira dos alumnos de primeiro curso e a entrega de Reais Despachos aos novos oficiais da Armada española.
O acto contará por primeira vez coa presenza da princesa Leonor na Escola Naval, onde se incorporará a principios do próximo curso para continuar coa súa formación militar.
A oferta hoteleira de Marín queda curta para acoller tantos visitantes que buscan aloxamento nos establecementos da contorna, que tamén rexistran un importante aumento das reservas.
