As subas do SMI, boas só para algúns, por Venancio Salcines

As subidas do SMI, permanentes no seu obxectivo de acadar o 60 % do salario medio, xa están estudadas. É certo que non  xeran desemprego pero é igualmente certo que, a excepción de Madrid, Cataluña, País Vasco e Navarra, para trece autonomías está por enriba da meta europea, é dicir, impacta e impacta de modo importante. En Galicia está preto do 70 % do salario medio, igual que A Rioxa, Castela León, Castela-A Mancha ou Andalucía, e supera esa porcentaxe en Estremadura e en Canarias.

Os seus efectos negativos máis importantes están no emprego rural, onde os salarios medios son mais baixos e especialmente afecta os desempregados con menor cualificación, especialmente os mozos sen estudos. A este colectivo, que ademais sente a presión da inmigración de cualificación media, aféctalle con moitísima dureza. O que debería levarnos a xerar instrumentos de inserción destes colectivos.